Osmani refuzon të komentoj anulimin e mbledhjes së qeverive: Është detyrim kombëtar të punojmë bashkë

14:16 | 14 Qershor 2023
E.H

Gjatë një konference për media pas fjalimit në Parlamentin Evropian, Presidentja e Kosovës, Vjosa Osmani ka refuzuar ta komentojë anulimin e mbledhjes së përbashkët mes Qeverisë së Kosovës dhe asaj të Shqipërisë.

E para e shtetit tha se kjo është çështje mes dy qeverive, teksa shtoi se Kosova e Shqipëria duhet të ulën bashkë.

“Jam e bindur se Kosova e Shqipëria do të ulën bashkë, duhet të ulën bashkë. Jo vetëm që e kemi detyrim si dy vende që janë fqinjë, por si dy motra. Është detyrim kombëtar të punojmë me njëra-tjetrën edhe kur nuk kemi sfida, por sidomos kur kemi sfida”, tha Osmani.

Tutje, ajo foli edhe për arrestimin e kreut të Mbrojtjes Civile, Milun Milenkoviq, për të cilin tha se nuk duhet ta përziejmë një grup i cili udhëhiqet nga kriminelë e që janë edhe nën sanksione ndërkombëtare , me qytetarët të rëndomtë në veri./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm